XX. mendeko Euskararen Corpus estatistikoa
Testuingurua
Nahas-mahasian harrotuta eduki ordez, kiribilatua zeukan kokotean eta masailalboak laztantzen zizkion.
Hegalka jarri zen bi aldeetara: gorpuzkera dotorea zuen gona estu-estu eta takoi pixka bat zuten zapata dotore haiekin.
Mahuka lasaiko jertse motzak, azken modako zurigorri moratuak, kontraste egiten zuen haren larruazal zurbilarekin eta areagotu egiten zion begien ezohizko sakontasuna.
Eta bazekien horrek zerikusi handia zuela Cliverekin... Cliverekin eta uztailean, hilabete barru hain zuzen, hamazazpi urte (adin majikoa!) bete behar izatearekin.
- Arraroa dun
Gerryk baiezkoa egin zion buruaz.
- Ulertzen dinat zer esan nahi dunan.
Azterketen gauzarik txarrena aurrez berorietan pentsatu beharra izaten dun, ez garaia iristen denean egitea. Oso arraroa, bai.
Gerryren logelan zeuden bi lagunak atsedenean.
Patsie lanmahaian eserita; Gerry, berriz, ahozpez moketa gainean luze-luze etzanda, Patsiek ekarritako diskoen artetik aukeraketan.
- Ona ematen din honek - esan zuen Gerryk, Arcadiaren azken grabaketa eskuan zuela.